Retmesaĝo el Pluezek :

Lastan sabaton okazis la ĝenerala kunsido de la Pluezeka esperanta asocio.

Kiel kutime , ni elektis la 3an semajnon de aŭgusto por organizi la venontajn internaciajn renkontiĝojn de Pluezek.

Tial , ni kore invitas ĉiujn amikojn festi gaje kun ni, la 20an datrevenon de niaj internaciaj renkontiĝoj, de la 13a ĝis la 20a de aŭgusto 2016. Tiuj renkontiĝoj iĝos samtempe la dua tutkelta esperanta kongreso. La unua okazis en Skotlando antaŭ 2 jaroj kaj nia bretona teamo fieras malkovrigi al niaj keltaj kuzoj la riĉecon de nia kelta kultura heredaĵo. 

Subtenita de la departementa asocio 'Armor Esperanto', ni preparas specialan buntan programon.

Inter  diversaj programeroj okazos sakŝalmista koncerto ( http ://www.saint-brieuc-district-pipe-band.com/) en la vilaĝa preĝejo  kaj gvidita vizitado al bretona sanktula monteto en Carnoet ( http ://www.lavalleedessaints.com/ ).

Ĝis baldaŭ en Pluezek 2016  por partopreni en la dua tutkelta kongreso de Esperanto. ...

20aj pluezekaj renkontiĝoj
2a tutkelta kongreso de Esperanto.
13a -> 20a de aŭgusto 2016.