Brikolemuloj kaj senveprigemuloj bezonataj :
Informoj ĉe : http ://gresillon.org/spip.php ?article34
Monataj arkivoj: Majo 2011
23a Eŭropa Rendevuo.
La 12an kaj13an de Novembro 2011 : en Stella-Plage (en la bela feriejo Stella-maris), la 23a Eŭropa Rendevuo. La plej grava internacia semajnfino en Francio norde de Parizo ! 5 kurso-niveloj gvidataj de Katalin Kovats, Sylvain Lelarge, Renée Triolle, Kristin Tytgat, Anne Jausions. Teatro kaj koncerto de Georgo Handzlik. Vizito de la fama librofoiro de Le Touquet-Paris-plage.
Ebleco alveni unu aŭ du tagoj antaŭe por turistumi.
Aliĝiloj kaj informoj : http ://arrasesperanto.free.fr
Pikniko-tago de Herbignac la 22an de Majo.
La dato de la pikniko de Herbignac alproksimiĝas rapide !…
Bonvolu anonci vin senprokraste por la vizitado de la ĝardenoj ĉe > jys.mys(ĉe)club-internet.fr
Bonvenon al niaj kazaĥaj amikoj, Ruslan kaj Viktorja Mavljudov.
Ruslan kaj Viktorja Mavljudov vizitos nin en Nanto de la 6a ĝis la 9a de Junio.
Mardon, la 7an de Junio okazos kun ili vizito de la urbo.
Je la 6a kaj kvarono vespere, en la salono de la kvarteldomo de « la Halvèque » (tramhaltejo « Halvèque) ili prelegos pri la temo « Kazaĥujo ĉiuflanke ».
Sekvos pikniko en la kvarteldomo. Bonvolu kunporti vian manĝaĵon.
Ni dankas ĉiujn, kiuj partoprenis en la renkontiĝo kun niaj Nepalaj amikoj aŭ/kaj en la Nanta rendevuo (vizitado de la urbo, pikniko kaj prelego far Christian Rivière).
Tamen, tiajn renkontiĝojn ni tute ne aranĝis nur por la komitatanoj de la asocio, sed ja por ĉiuj asocianoj ! Ni bedaŭras ke la interesega prelego de Narendra kaj Rajani en Saint Aignan de Grand-Lieu ne venigis pli da CCNE-anoj. Feliĉe venis multaj loĝantoj de Saint Aignan, sed ili meritus multe pli de la lokaj esperantistoj !…
Ni ege esperas, ke la venonta vizito de Ruslan kaj Viktorja memorigos al ili, ke la lingvo Esperanto estas ja internacia.
Mendebla poŝtmarko Nanto Esperanto.
La Kultur-Centro Nanto-Esperanto (CCNE) fieras prezenti al vi ĵus la eldonitan poŝtmarkon (t.e. vera poŝtmarko !), kiu montras la faman Nantan LU-turon kun la teksto « Nantes Espéranto » legebla sur (ankaŭ fama) blua ĉielo.
Tiu poŝmarko aĉeteblas podeke en nia klubo (0,86 € X 10 = 8,60 €).
15aj RENKONTIĜOJ de PLUEZEKO.
La 15aj renkontiĝoj de PLUEZEKO okazos ĉi-jare de la 13a ĝis la 20a de Aŭgusto kun la honora ĉeesto de sinjoro Potturu Ranganaysukuru (Ranga), kuracisto pri ayurvedika medicino (tradicia barata medicino). Li gvidos atelieron pri tio.
ATENTU ! BALDAŬ LA UNUA DE MAJO ! Aliĝu rapide por profiti malpli kostan aliĝkotizon
Se vi malfacile trovas loĝejon, petu de sinjorino Josette Corgnou nian liston de gastoj, kiu estas pli kompleta ol tiu de nia retejo .
-Sino Corgnou, 5 route de la Madeleine 22470 Plouezec 02 96 22 79 91 aù
al Sino Micheline Gallian, 28 rue Y Lecoq 22470 Plouezec 02 9616 43 74
Por pli da detaloj vizitu nian retejon :
Ekzameno-sesio unuagrada kaj duagrada en Nanto :
Sabaton, la 4an de Junio posttagmeze, la Kultur-Centro Nanto Esperanto (CCNE) organizas en Nanto ekzameno-sesion (unuagradan kaj duagradan).
Bonvolu anonci vian kandatiĝon antaŭ la 15a de Majo al : l.gouverneur(ĉe)orange.fr.
Horaroj de la atelieroj (studrondoj) :
De la unua semajno de Majo, vi havas denove la okazon viziti almenaŭ unu el la du atelieroj, tio estas :
– merkrede de la 6a kaj duono ĝis la 8a kun Béatrice,
– ĵaŭde de la 8a ĝis la 9a kaj duono kun Luko.
…
…
Atentu ke, pro feriado de ambaŭ gvidantoj, la atelieroj okazos nek la 11an, nek la 12an de Majo !
Babilado de Majo…
Vendredon, le 27an de Majo je la sesa vespere, ni rendevuas en la restoracio Kuşadasi, straton Armand Brossard en Nanto, por la monata BABILADO.
La temo elektita : odoroj (agrablaj kaj malagrablaj…).
Same kiel kutime, ni dediĉos la unuan horduonon por klubaj kaj movadaj novaĵoj.
Eblos pruntepreni kaj redoni librojn de nia biblioteko.