Kategoriaj arkivoj: Ĉiuj artikoloj en Esperanto

Esperanto France : Nacia Kongreso

6 Aprilo 2017Ĉiuj artikoloj en Esperanto, La eventoj ekster CCNEOkazos

La francilia regiono bonvenigas la nacian kongreson de Esperanto France de la 25a ĝis la 28a de majo 2017.

Informoj kaj aligxilo : http ://kongreso2017.esperanto-france.org/ ?lang=eo

Venu partopreni la aktivadojn de asocioj, malkovri la departementon kaj korpe movi dank’al eksteraj sportoj por ĉiuj. La departemento Val-de-Marne (Val de Marn, valo de la rivero Marne) famas pro siaj tavernetoj ĉe la riverbordoj, nomitaj “guinguettes” (ginget). Venu danci je la sono de grupo de muzikistoj el nia regiono.

Pluraj francilianoj komunikos siajn pasiojn per prelegoj, koncertoj, manatelieroj.

En 2017 okazos la centjara datreveno de la forpaso de Zamenhof : jen okazo prezenti al vi la arkivojn de la sidejo de la du asocioj Esperanto Francio kaj Esperanto Francilio, kiuj kunorganizas la kongreson.

La kongresa devizo : maje estu gaje !

Nantes : Prelego de rusa esperantistino

13 Marto 2017Ĉiuj artikoloj en Esperanto, La eventoj de CCNEOkazos

Lundon la 20-an kaj mardon la 21-a de marto, nia asocio akceptos S-inon Svetlana Smetanina, rusan esperantistinon el Moskvo. Temas pri ŝia dua vizito en Nantes, ĉar ŝi jam venis antaù jardeko.

Lundon la 20-an, inter la 18-a kaj la 20-a kaj duono, Svetlana prelegos en La Manufacture (10, bulvardo de Stalingrad. Tramo linio 1, haltejo « Manufacture ») pri la temo “La hodiaùa Rusio”.

Antaù ol alveni en Nantes, nia gastino estos travojaĝanta tra Bretonio. Espereble ŝi sufiĉe pluviglos por viziti nian urbon mardon la 21-an. La programo estos precizigita antaù ŝia alveno.

Ekzameno-sesio en majo, aliĝu !

12 Marto 2017Ĉiuj artikoloj en Esperanto, La eventoj de CCNEOkazos

Karaj membroj de la Nanta Esperanto-kulturcentro,

La CCNE planas ekzameno-sesion la 28an de majo.

Same kiel en 2016, tri niveloj estas proponataj :

1^a grado (atesto pri elementa lernado),

2^a grado (atesto pri praktika lernado),

3^a grado / 1^a parto (atesto pri supera lernado).

Pliaj informoj ĉe la retejo de la Franca Instituto de Esperanto :

http ://www.franca-esperanto-instituto.net/spip.php ?article6

Bonvolu rekte adresi viajn kandidatiĝon (indikante la deziratan nivelon) al Christian Rivière, antaŭ la 15a de aprilo

Christian.riviere0324@orange.fr aŭ 02 40 25 24 05

Koran dankon

Esperanto 44 : dimanĉon la 12an de marto 2017

23 Februaro 2017Ĉiuj artikoloj en Esperanto, La eventoj ekster CCNEOkazos

Ne forgesu la Babiladon !

20 Februaro 2017Ĉiuj artikoloj en Esperanto, La eventoj de CCNEOkazos

Kiel kutime ĉiun kvaran vendredon de la monato, ni rendevuos vendrede, la 24an de februaro, je la 6h30 vespere, en la restoracio Kusadasi !

Eblos redoni revuojn kaj librojn de nia biblioteko.

Vizitu : https ://nantes-esperanto.fr/monataj-kunvenoj/

GREZILJONO – Staĝo “Printempas” – 14a ĝis 22a de aprilo

11 Februaro 2017Ĉiuj artikoloj en Esperanto, La eventoj ekster CCNEOkazos

De la 14a ĝis 22a de aprilo 2017 okazos la 6-a staĝo PRINTEMPaS kun proksimume 40 partoprenantoj.

– Kurso A1-A2 gvidata de Marion Quenut (Tuluzo)
– Kurso A2-B1 gvidata de Christophe Chazarein (Tuluzo)
– Kurso B1-B2 gvidata de Zsófia Kóródy (Herzberg)

– AMO-seminario (C1) « Kiel modernigi la instruadon de Esperanto kun la novaj teknikaĵoj ? » gvidata de Stefan MacGill (Budapeshto) kaj Sara Spano (Italujo)
– Internaciaj Ekzamenoj de ILEI-UEA (21-22.aprilo)
– Prelegoj kun Mireille Grosjean (Svisujo)
– bona etoso kaj bonaj manĝoj (viando aŭ vegetare)

Informoj : gresillon.org/printempas
Aliĝo : gresillon.org/aligho
aliaj staĝoj : gresillon.org/agendo

Ĝis baldaŭ en la Esperanto-kastelo Greziljono

kastelo@gresillon.org