Kiel kutime ĉiun kvaran vendredon de la monato, ni rendevuos morgaŭ la 25an de novembro, je la 6h30 vespere, en la restoracio Kusadasi  !

Eblos redoni revuojn kaj librojn de nia biblioteko.

Vizitu : https ://nantes-esperanto.fr/monataj-kunvenoj/

Karaj membroj de la Nanta Esperanto-kulturcentro,

La CCNE planas ekzameno-sesion fine de marto 2017a.

Kiel en 2016, tri niveloj estas proponataj : 1a grado (atesto pri elementa lernado), 2a grado (atesto pri praktika lernado), 3a grado / 1a parto (atesto pri supera lernado).

Pliaj informoj ĉe la retejo de la Franca Instituto de Esperanto : http ://www.franca-esperanto-instituto.net/spip.php ?article6 

Bonvolu rekte adresi viajn kandidatiĝon (indikante la deziratan nivelon) al Christian Rivière :
Christian.riviere0324@orange.fr
Aŭ 02 40 25 24 05

Koran dankon,

Karaj,­

La lasta etato de la ­libro-stoko en la lib­ro-vendejo Durance ev­identigas denovan mal­kreskon de la vendo, ­tiagrade ke la librov­endisto mem tion rima­rkis. Eĉ la vortaroj ­aŭ studlibroj, kiujn ­antaŭe ni vendis amas­e ne plu trovas inter­esatojn.

Aliflanke, la dikaj k­oloraj skatoloj  de n­ia biblioteko videble­ apenaŭ malpleniĝas. ­Ni jam taksis la kons­tantan valoron je pli­ ol 2000 eŭroj.

Ŝajne urĝas atentigi ­la membrojn de nia as­ocio pri la problemo.­ Jen ĉi-kune (libroj.­pdf) la enhavo de amb­aŭ stokoj (depono ĉe ­Durance kaj la libro-­stoko de Mangin Beaul­ieu). Bonvolu alĵeti ­rigardon. Sur la rete­jo de la asocio aldon­iĝas la produktaĵoj d­e la nantanoj.

Kompreneble, la libro­j kostas kaj ne ĉiuj ­povas aĉeti librojn r­egule. Tial ni dispon­igas ankaŭ :

. stokon de brokantaĵ­oj (simbola prezo)

. la bibliotekon (plu­rcenton da libroj pru­ntepreneblaj) (senpag­e por la membroj)

. la cirkuladon de ke­lkaj gazetoj (magazin­oj) kiujn ni abonas (­senpage por la membro­j)

Estus bedaŭrinde se n­i devus rezigni la de­ponon de libroj de Du­rance. Cetere la valo­ro de nia stoko estas­ nedisponebla sumo, k­iu ja faciligus la or­ganizadon de la konce­rto kiun ni planas en­ majo 2017.

Unua decido de la kom­itato : drasta limigo­ de aĉeto ĉe UEA !

La komitato antaŭ-dan­kas pro via atento

[pdf-embedder url=”https://nantes-esperanto.fr/wp-content/uploads/Libroj.pdf” title=”libroj”]

Kiel kutime ĉiun kvaran vendredon de la monato, ni rendevuos hodiaû, la 28a de oktobro, je la 6h30 vespere, en la restoracio Kusadasi  !

Eblos redoni revuojn kaj librojn de nia biblioteko.

Vizitu : https ://nantes-esperanto.fr/monataj-kunvenoj/

Sep karton-skatoloj da libroj estas disponeblaj. Temas pri la persona kolekto de Pierre Babin, afable proponita al nia asocio. Pro la pleneco de nia ŝranko, mi tre limigis mian elekton. Temas pri :

• Elektitaj noveloj (trad. el la rusa) de Turgenev (80 p.)
• Nuntempaj rakontoj (trad. el la bulgara) de Stamatov (80 p.)
• Tri noveloj (trad. el la rusa) de Puŝkin (67 p.)
• Mia onklino Tatiana Aleksandrovna (trad. el la rusa) de Tolstoj (15 p.)
• Legolibreto (N°1 de Esperanta Biblioteko Internacia) de J.Borel (48 p.) (*)
• Dum vi estis kun ni de István Nemere (163 p.)
• Novelaro el la maniko de Reto Rossetti (1955 / 211 p.) (*)
• Noktoj de Serge Sire (bildstrio / 40 p.)
• Florville kaj Courval aŭ fataleco (trad. el la franca) de Sade (76 p.)
• Senĝenaj dialogoj de Alberto Fernández (196 p.) (*)
• El streĉita kordo de Kálman Kalocsay (27 p.) (*)
• Tri libroj kunbinditaj en Greziljono :
• Mateo Falcone (trad. el la franca) de Prosper Mérimée (62 p.)
• La sonĝo de Makaro (trad. el la rusa) de V.Korolenko (48 p.)
• Grekaj papirusoj (trad. el la germana) de Julius Pendorf (110 p.)

(*) La steleto markas la librojn kiuj apriore jam troviĝas en la biblioteko (krom se ili estas perditaj). Tiujn la membroj de CCNE povos aĉeti je simbola prezo. Bonvolu vin anonci.

La aliaj estos lokitaj en la biblioteko kaj pruntepreneblaj.

Cetere repertuaro de la tuta stoko ekzistas (la sep karton-skatoloj). Se vi serĉas specifan libron, ne hezitu sciigi la titolon. Se hazarde ĝi troviĝas en la stoko, Nicole kaj Dominique videble estos kontentaj malembarasiĝi je ĝi kaj vin … kontentigi.

Koran dankon al Nicole kaj Dominique Babin.

Nuligita

Ĝusdatita : 29a de januaro 2017

Por la 2017^a, la Nanta Esperanto-KulturCentro organizas grandan koncerton en la Koncertejo de la Muzik-lernejo. Ni akceptos la junan aŭtorinon-komponistinon-kantistinon Leïla Huissoud kaj ŝian muzikiston vendredon vespere la 12^an de majo 2017^a.

Tiu spektaklo celas ĉiujn publikojn. Leïla kantos precipe en la franca kaj por ĉi tiu okazo, akceptas aldoni al sia kutima repertuaro 3 surpriz-kantojn en Esperanto.

La enirbiletoj kostos ĉirkaŭ 15 eŭrojn (12 eŭrojn kun rabato).

Ni planas vendi parton de la biletaro proprarimede, alian parton interrete el nia retejo, kaj parton en la profesiaj bilet-vendejoj.

La Nanta Esperanto-KulturCentro aŭdacas ambician projekton. La proviz-buĝeto estas impona. La sukceso dependas de la persona kunagado de ĉiuj membroj de nia asocio (organizado, vendado de la enir-biletoj, informado). Ni kompreneble celas forvendon de la 240 sid-lokoj de la ĉambro Debussy, sed ĉefe konigon de nia lingvo trans la tradiciaj esperantlingvaj medioj. Tio fareblas sed tiucele ĉies engaĝiĝo estas dezirata kaj bezonata.

Kroma informo :

Leïla estas 20-jara. Ŝi partoprenis la televidan elsendon « The Voice » en 2014^a, kio helpis ŝian disfamiĝon. Jen samplo-ligo kiu nutros vian scivolon :

https ://www.youtube.com/watch ?v=DrT_gU594jw (muzik-festo de 2014 en Grenoble)

Ŝi publikigos kompakt-diskon printempe. Estos trafa okazo por ke ŝi subskribu ekzemplerojn fine de la koncerto kaj, por ke nia asocio provizu la publikon per informoj pri la lingvo « Esperanto ».