Estimataj
Pere de emerita jurnalisto mi renkontiĝis kun respondeculo de UNESCO-a Delegacio en Andoro
(mi loĝas apude en francaj Pireneoj).
ĝoje kaj esperplene mi sciigas al vi interesan okazaĵon (SED) kiu
postulas *rapidan reagon.*
Do, bv transsendi al interesataj fakuloj, spertuloj … en Esperantio :
—————————–
En Andoro, post 2008 kaj 2010 okazos en julio 2012 internacia Forumo de
artistoj “ART CAMP” kaj samtempe ekspozicio de diverslandaj pentraĵoj
: ĉi-jare ĉirkaŭ 30 pentristoj estos fine selektitaj. Hodiaŭ
ceteras ankoraŭ kelkaj selektotaj pentristoj ; pli bone inaj ĉar viroj
iom multiĝas nun. Pluraj landoj neniam prezentis pentraĵojn (Ĉinio ekzemple)
La pentrartistoj estas invititaj partopreni dum 12 tagoj ; senpage en
Andoro, sed, kaj tie kusas la tikla punkto, ili pagu mem la vojaĝon ;
samkiel antaŭaj fojoj tiu ĉi lasta kosto povas esti pagata de
mecenatoj sercotaj kies reklamo estos tiel farita.
Esperanton oni povas enŝovi : la respondeculoj konsentas ; modeste
ĉi-jare ( ekz, ne en laborkunvenoj ĉi-foje sed tradukante katalogon )
Gravas partopreni eventon kiu subtenas kulturan diversecon.
Pentristoj mem ankaŭ estos favorataj Äar, post Andora
forum-ekspozicio, la selektitaj pentraŭoj estos prezentitaj en
eksterlandaj UNESCO-aj delegacioj ofertante tiele fruktodonan disfamecon
tutmondan al pentristoj kaj mecenatoj !
Amikece, samideane via. René Ballaguy Mondcivitano.
Ene : Invitletero kaj
http ://www.unesco.ad <http ://www.unesco.ad/>
http ://www.flickr.com/photos/63264140@N06
Kategoriaj arkivoj: Ĉiuj artikoloj en Esperanto
Studu Esperanton dum unu semajno en Teksaso, Usono !
La Universitato de Teksaso en Dalaso bonvenigos NASK 2012 !
Por la dua fojo NASK (Nord-Amerika Somera Kursaro) prezentos mallongan kursaron (25 de junio ĝis 4a de julio), ĉi-foje en sunplena Dallas, Teksaso. Do, portu viajn ĉapelon, naĝkostumon, kontraŭsunan kremon, kaj eĉ vakerajn botojn ! Alvenu la 25an de junio, kaj foriru la 4an de julio—jen ok plenŝtopitaj tagoj de lernado kaj amuzo. La frua registriĝo, cetere, jam komenciĝis : aliĝu ĝis la 22a de marto kaj ŝparu 50 dolarojn !
La Universitato de Teksaso en Dallas (UT-D) estas rapide kreskanta universitato kun multaj novaj konstruaĵoj, meze de la granda urbregiono Dallas/Fort Worth. La NASKanoj loĝos kune en aparta “NASKejo” sur la kvara etaĝo de nova dormejo. Partoprenantoj loĝos en tri-homaj ĉambraroj ; ĉiu havos privatan dormoĉambron, sed dividos salonon, necesejon, kaj duŝejon. La dormejo estas klimatizita, kaj la klasĉambroj estas en la sama konstruaĵo. En la dormejo estas granda lavejo kun senpagaj lavmaŝinoj kaj sekigiloj. Oni havas senpagan aliron al interreto (sed devas kunporti propran kablon “ethernet”). La manĝejo estas je plaĉa sepminuta paŝado for de la dormejo, kaj tie troviĝas multaj diversaj pladoj kiujn oni elektas laŭvole.
La internacia instruista teamo de Spomenka Štimec (Kroatio), Tim Westover (Usono), kaj Birke Dockhorn (Germanio) provizos tri nivelojn de lernado. Hoss Firooznia estos la help-instruisto kaj gvidos la eksterklasajn programojn.
Ĉi-jare la studentoj povos veni iom pli frue por la Landa Kongreso de Esperanto-USA, samloke kaj en la sama loĝejo (22-25 junio). Oni faru apartajn aranĝojn ĉe www.esperanto-usa.org.
La tuta kosto por NASK 2012 (kursoj, loĝado, manĝado) estos : US$ 625.00 ĝis la 22a de marto, kaj US$ 675.00 poste. Stipendia helpo haveblas por plentempaj studentoj kaj instruistoj, kaj loĝantoj en latinamerikaj landoj.
Por pli da informoj, kontaktu Ellen M. Eddy, administranto, eddyellen@aol.com, aŭ vizitu la NASK-retejon (http ://esperanto.org/nask).
Se vi subtenas la ideon de NASK kaj aliaj Esperanto-instruaj iniciatoj de ESF, sed ne povas persone partopreni en NASK, konsideru donaci al la kampanjo “100.000 EUR por ESF” : http ://kampanjo.ikso.net/eo !
admin@esperantic.org
Administranto administrator
Esperantic Studies Foundation
COP STE CATHERINE CP 60502
MONTREAL QC H1V 3T8
KANADO CANADA
Luis Jorge Santos Morales
| Luis Jorge Santos Morales |
Niaj Samideanoj kaj Amikoj Flavio Rebelo kaj Cândido Ruiz, ambaŭ el Brazilo, ĉi-momente prezentas al la mondo novan Esperantan Portalon kiun ja valoregas la penon ekkoni. Al ili mi tre dankas pro la honoro min inviti partopreni kiel artikolisto. Mia unua artikolo titoliĝas JU PLI BELSONE, DES PLI BONE ! Mi antaŭdankas al ĉiuj legontoj pro siaj taksokomentoj (luisjorgesantos@live.com).
Jen la la TTT-ejo de NUNONIA : http ://www.nunonia.com
El popola Ĉinio
la retejo kun novaĵoj el Ĉinio kaj el la tuta mondo” “Akademia kato” estas grandaĝa senvosta kato, kiu ofte aŭskultas lecionojn en la Pekina Universitato. Ĝi estas tre atentata surrete kaj estas nomata ankaŭ “filozifia kato” kaj “aŭskultanta kato“.
Granda stelo La kato sur la podio
La kato de tempo al tempo iras al klasĉambroj, foje kuŝas ĉe instruista podio, foje sur tablo de studentoj. Studentoj en la Pekina Universitado fotis ĝin kaj surretigis ĝiajn fotojn. Post tio multaj retumantoj montris deziron prizorgi ĝin.
La kato aŭskultas lecionon kun okuloj fermitaj.
Laŭdire la kato aperis en la universitato en 2004. Ĝi ŝatas longtempe rigardi homojn kaj viziti lecionojn de filozofio kaj arto. Ĝi estas milda kaj afabla al ĉiuj. Kaj ankaŭ instruistoj kaj studentoj estas tre amikaj kaj toleremaj al ĝi.
Studentoj ĝojas aŭskulti lecionon kune kun la kato.
Malsaniĝis la kato
Lastjare la kato ne aperis dum iom da tempo ĝis aŭgusto kiam iu studento diris surrete, ke la kato malsaniĝis, lamis je kruro kaj svenis en laboratorio. Oni informis la kato-asocion en la lernejo kaj sendis la katon al hospitalo. Kuracistoj faris al ĝi ikso-radiojn kaj operacion al ĝia rompita kruro. “Ni rigaridis ĝin ekster la kaĝo. Ĝi tremis pro granda doloro kaj komencis grati la bandaĝon.”
La kato post la operacio
Post la operacio, la kato multe maldikiĝis sed estis tre vigla. Al ĝi venis multaj kato-amantoj por ĝin rigardi kaj foti. Ili esperas, ke la kato baldaŭ resaniĝos kaj revenos al klasĉambroj por kune kun ili aŭskulti lecionojn.
Redaktoroj : Zhang Shuang kaj Zhang Xiaotong
Februara babilado
Ni rendevuos por babiladi denove vendredon, la 24a de Februaro je la 6a vespere en nia kutima babilejo « Kuşadasi », straton Armand Brossard en Nanto.
La temo : ni ne elektis temon ! Tial ni parolos pri io ajn…
Por ĉiuj, kiuj trovas la bibliotekan ŝrankon neatingeblan (malgraŭ la malfermo de la kursejo po dufoje semajne) eblos pruntepreni au redoni librojn.
Rigardu TV Arte — Andreï Korobeinikov —
Rigardu TV-Programon Arte por venonta dimanĉo…
Riĉa estas la programo, de la 09a.45 ĝis la 20a 15, okaze de “Freneza Tago en Nantes“. .
Unu el la pianistoj estas 25 jara, kaj jam duonvive esperantisto.
Plurfoje li partoprenis Universalajn Kongresojn, kaj belege koncertis por ni.
Andrej Korobejnikov estas same lerta kiel afabla.
Lin vi havos ŝancon aŭskulti kaj vidi, pli-malpli ĉe jenaj horoj :
11.10, ( 4 min) kun Koruso kaj Orkesto
13.45 (10 min) Fantaziaĵo op.28 de Skrjabin*,
14.35 (17 min) Romancoj op 38 por Soprano, de Raĥmaninov**
14.55 (21 min) Koncerto n° 2 de Chostakovitch
17.20 (18 min) Piano-Etudoj de Skrjabin.
Entute 70 minutojn
* Unuan Premion en Moskvo, kiam 17jara .
** En Los Anĝeles Duan Premion,
kaj Unuan de la Publiko, en 2005.
Havu kiel mi grandan plezuron (re)trovi valoran samideanon !. Renata
PS : eblas rete informiĝi pri li, ankaŭ aŭskulti/vidi lin uzante ‘Jutjub’.
kunveno de SAT-amikaro
Ni invitas ĉiujn legantojn de La Sago kaj viajn amikojn en baldaŭa kunveno de SAT-amikaro
Kial kunveni en Bretonio ?
- por vivigi SAT Amikaro-n en nia regiono. Ni parolos pri nia asocio, ties celoj, agadoj kaj vivado, al uloj kiuj deziras koni nin.
-
por kunigi niajn fortojn en niaj agadoj.
-
por plibonigi niajn pripensojn kaj riĉiĝi de la opinioj de niaj gekamaradoj .
-
La kunveno estas malfermota al ne aliĝantoj.Kiam la kunveno ?
La 11an de Februaro je la 14a ĝis 17akie ?En la MJC, MPT, Kerfeunteun,rue Teilhard de Chardin 29 000 Quimper.
Freneza tago
Dans le cadre des folles journées 2012 ” Le Sacre Russe.”
Le pianiste espérantiste russe Andreï Korobeinikov jouera Schostakovitch, Skriabine, Roslavet, et Ustvolskaya.
- Jeudi 2 février à 18h30 concert 049 salle Tourgueniev
- Vendredi 3 février à 22h15 concert 140 salle Tchekov retransmis sur ARTE
- Samedi 4 février à 21h15 concert 214 salle Gogol(trio)
- Dimanche 5 février à 13h45 concert 250 salle Pasternack
- Dimanche 5 février à 18h15 concert 277 salle Maïakovski
praktikado de la lingvo
Kvinpetalo situas en centrokcidenta Francio, en kampara vilaĝeto Bouresse, 40 km sude de Poitiers. Lussac-les-Chateaux estas la plej proksima stacidomo (12 km).
staĝo (1a aŭ/kaj 2a grado) la 20an- 25an de februaro kun Ansofi Markov.
67a kongreso de SAT-Amikaro
La 67a kongreso de SAT-Amikaro okazos en Ĉatoruso (Châteauroux, departemento Indrio, 36), en Berio, la regiono de Georg’ Sand’. Tiu kongreso okazos de la 7a ĝis la 10a de aprilo 2012 en la liceo pri agrikulturo kaj vivmedio « Naturapolis’ ».